Autoritetet federale amerikane kanë penguar një plan për atentat ndaj një aktivisteje palestinezo-amerikane, e cila është një nga drejtueset e një prej grupeve më aktive pro Palestinës në Nju Jork, sipas një zyrtari federal dhe avokatit të saj.
Sipas raportimeve, Byroja Federale e Hetimit (FBI) njoftoi aktivisten Nerdeen Kiswani dhe ekipin e saj ligjor të enjten në mbrëmje se një ose më shumë persona janë ndaluar në lidhje me një tentativë të afërt për ta shënjestruar atë. Megjithatë, autoritetet nuk zbuluan identitetin e të dyshuarve apo motivin e mundshëm të sulmit.
Në një deklaratë të publikuar të premten, FBI në Nju Jork tha:
“FBI ka kryer një aktivitet ligjor të autorizuar nga gjykata në zonën përreth rrugës Willow dhe rrugës Clinton në Hoboken, New Jersey.”
Deklarata shtoi se hetimet janë ende në vazhdim dhe nuk mund të jepen detaje të tjera për momentin.
Burimi: gazetarja Samar Jarrah
