20.4 C
Pristina
Thursday, June 20, 2024

Tuneli mafioz në Podgoricë, zbulohet autorët

Më të lexuarat

Katër serbë nën akuzë, ministri malazez publikon fotot e tyre

Ministri i Punëve të Brendshme të Malit të Zi, Filip Axhiç, ka mbajtur një konferencë për media ku ka folur për detajet e arrestimit dhe vendndodhjes së atyre që morën pjesë në hapjen e tunelit në Gjykatën e Lartë në Podgoricë.

Axhiç tha se policia dhe shërbimet e tjera kanë identifikuar personat që kanë marrë pjesë në gërmimin e tunelit.

“Kemi njerëz që janë marrë me hapjen e tuneleve dhe në këtë moment do të thosha se shumica e atyre njerëzve vijnë nga Serbia. Sigurisht që kanë pasur ndihmës nga Mali i Zi. Ajo që është domethënëse dhe duhet thënë është se ne kemi bërë kallëzime penale kundër katër personave”, tha Axhiç.

Siç theksoi ai, në atë aksion kanë marrë pjesë shtetasit serbë Milan Markoviç, Veljko Markoviç, Dejan Jovanoviç, Vladimir Erviç.

“Ne kemi të paktën pesë persona të tjerë që morën pjesë në këtë punë. Jo të gjithë morën pjesë në gërmimin e tunelit. Disa ishin logjistikë dhe disa ofruan lloje të tjera të ndihmës,” shpjegoi Axhiç.

Ai tha gjithashtu se në aktivitete morën pjesë edhe shërbime nga vendet e tjera të rajonit.

“Ne mund të bëjmë një arrestim përmes aktiviteteve të përbashkëta me shërbimet e vendeve të tjera dhe për t’i dhënë fund këtij krimi të rëndë. Ne kemi treguar se ka një sinergji të institucioneve, se ne veprojmë së bashku,” tha ministri i brendshëm malazez. /tesheshi.com/

- Advertisement -spot_img

Më tepër

Të fundit