Maqedonia rihapi vijën kufitare me Greqinë në ndihmë të refugjatëve. Nga policia njoftuan se vija kufitare do të hapet kryesisht ndaj atyre që kanë deklaruar se dëshirojnë të akomodohen në Austri dhe në Gjermani.
“Kufiri në postën e Gjevgjelisë është i hapur prej mëngjesit të sotëm, por nuk mund të lejohen veçse ata azilkërkues të cilët kanë specifikuar në dokumentacionin e regjistrimit se dëshirojnë të udhëtojnë në Austri dhe në Gjermani”, deklaroi ky zyrtar në kushte anonimati.
Ndërkohë, mediat vendase shkruajnë se, “kontigjenti i parë i refugjatëve nga një numër i përgjithshëm prej 2 000 personash të bllokuar në shesh kanë mundur të kalojnë kufirin gjatë mesditës”.
Mohamed Othman, një përfaqësues i pranishëm i Komisariatit të Lartë të Refugjatëve të OKB-së, ka deklaruar: “Paraprakisht, autoritetet policore greke informuan shtetasit që ndodheshin në shesh se ishte i nevojshëm regjistrimi dhe deklarimi se në cilin shtet ata dëshironin të udhëtonin
