Grupi opozitar iranian ka dënuar ashpër planin terrorist kundër zonës së Xhamisë së Madhe në Mekkë.
“Ata që janë pas këtyre planeve çnjerëzore dhe jo-islame dhe i kryejnë këto akte janë armiq të Islamit dhe muslimanëve. Shpirti i Islamit dhe njerëzimit janë të pafajshëm prej tyre, ” – tha Këshilli Kombëtar i Rezistencës së Iranit (NCRI) në një deklaratë në faqen e tyre të internetit.
Këshilli Kombëtar i Rezistencës së Iranit është opozita kryesore ndaj Republikës të Iranit e cila është e vendosur në Francë, përcjell KohaIslame.
“E vetmja palë që përfiton nga kjo skemë e turpshme, e cila është e neveritshme për të gjithë muslimanët në botë është regjimi fetar i pushtetit në Iran, i cili dëshiron ta shty të gjithë rajonin në konflikt, luftë dhe krizë”, shtoi grupi i opozitës.
Ministria e Brendshme e Arabisë Saudite tha të premten se arrestoi pesë anëtarë të një qelize që po planifikonte një sulm në zonën e Xhamisë së Madhe në Mekkë. Forcat e sigurisë thanë se operacioni ishte planifikuar nga tre grupe terroriste, dy me bazë në Mekkë dhe e treta në Xhidde./KohaIslame.com/
