Prej Madhërimit të Allahut është madhërimi i Fjalës së Tij: Kuranit, që na nxori nga errësira në dritë, nga devijimi në udhëzim, nga injoranca në dituri dhe nuk lejohet të nënçmohet në asnjë formë.
Nëse e shohim realitetin e muslimanëve sot me Kuranin dhe nderimin e tij, do të shohim shumë forma të nënçmimit ose mungesës së nderimit; disa njerëz zgjasin këmbët e tyre drejt Kuranit, të tjerë ulen në një karrige me Kuranin poshtë saj, dhe me keqardhje disa kanë arritur edhe në bërjen e tortës (kekut) në formën e Kuranit duke e prerë atë si çdo tortë tjetër.
Nuk lejohet bërja e tortës (kekut) në formën e Kuranit dhe pasimit të jomuslimanëve në çdo gjë ata veprojnë!
Kujdes mos bie pre e asnjë gjëje që e nënçmon dhe nuk e madhëron Fjalën e Allahut, Kuranin! Kujto Fjalën e Allahut:
﴿ ذَلِكَ وَمَنْ يُعَظِّمْ شَعَائِرَ اللَّهِ فَإِنَّهَا مِنْ تَقْوَى الْقُلُوبِ ﴾
“Ja kështu. Kushdo që madhëron simbolet e (fesë së) Allahut, kjo është shenjë e devotshmërisë së zemrave”. [Haxh: 32]
Adelina Kuçana
