Banorët palestinezë po detyrohen të evakuohen nga qyteti i Gazës, por nuk kanë asnjë vend ku të strehohen.
Shumë prej tyre kanë ngritur çadra pranë rrugës bregdetare, në vende të papërshtatshme për jetesë. Disa janë detyruar të vendosen madje mbi vendgrumbullime mbeturinash.
Një grua shtatzënë tha se prej më shumë se një jave nuk kanë arritur të gjejnë ujë të pijshëm. Nuk ka shpërndarje ushqimi, nuk ka shërbime emergjente e as hapësira për nevojat elementare.
Situata për të dëbuarit përshkruhet si tejet dëshpëruese.
