30.8 C
Pristina
E mërkurë, 4 Gusht, 2021

Nuk i duhet avokati për t’u mbrojtur nga Dick Marty!

Më të lexuarat

Edhe pse Brukseli po nxit hetimet për trafikim organesh gjatë luftës në Kosovë, kryeministri Hashim Thaçi, në këtë fazë nuk do të angazhojë avokat për t’u mbrojtur nga akuzat e senatorit zviceran, Dicka Marty. “Kryeministri nuk e sheh të arsyeshme që në këtë fazë të angazhojë avokat mbrojtës ndaj akuzave të Martyt”, ka thënë për KTV-në zëvendëskryeministri Hajredin Kuçi.

Në Shqipëri, të martën Komisioni i ligjeve miratoi me konsensus të plotë në tërësi projektligjin i cili i hap rrugë hetimeve në Shqipëri për trafikim organesh. Projektligji në fjalë “Për rregullimin e marrëdhënieve juridiksionale në çështjet penale me Task-Forcën hetimore speciale të EULEX-it”, pritet tashmë t’i kalojë Kuvendit ku pritet t’i jepet vota përfundimtare në seancën më të afërt, votim i cili kërkon shumicë të cilësuar votash.

Marty ka akuzuar kryeministrin e Kosovës për përfshirje në “trafikimin organesh njerëzore” gjatë kohës sa ishte udhëheqës politik i UÇK-së. Por këto akuza janë hedhur poshtë nga të gjitha forcat politike në Kosovë dhe Shqipëri. Raporti i Martyt është vlerësuar i pabazuar në fakte, prova apo realitet, dhe politikisht i motivuar nga Serbia dhe Rusia.

“UÇK-ja luftoi për çlirimin e vendit. Gjithë bota e di kush ka bërë gjenocid. Raporti i Dick Martyt ka për qëllim ta kriminalizojë luftën për liri, po ashtu ta dëmtojë imazhin e Kosovës për t’i penguar njohjet dhe ta dëmtojë imazhin e Shqipërisë”, kishte deklaruar Thaçi pas publikimit të raportit.

Hetimet me të njëjtat akuza janë kryer tre herë deri tani nga institucione të ndryshme ndërkombëtare, përfshi edhe OKB-në, por që të gjitha kanë ardhur në përfundim se nuk ka fakte që e përfshijnë UÇK-në në trafikim organesh njerëzore gjatë luftës në Kosovë, për çka fillimisht kishte ngritur dyshime ish-kryeprokurorja e Hagës, Carla Del Ponte, bazuar në thashethemet e Serbisë. /kohaislame/

- Advertisement -spot_img

Më tepër

Të fundit