Ish-kryetarja e Dhomës së Përfaqësuesve të SHBA-së, Nancy Pelosi, njoftoi se ka votuar pro një amendamenti legjislativ që parashikon ndërprerjen e ndihmës ushtarake prej 3.3 miliardë dollarësh për Izraelin. Ky përbën një ndryshim të dukshëm në qëndrimin e saj politik, pasi për dekada me radhë ajo është shquar si një nga mbështetëset më të forta të Izraelit brenda Partisë Demokratike.
◾️ Pelosi e arsyetoi votën e saj duke thënë:
“Populli amerikan me të drejtë kërkon t’i jepet fund ciklit të luftërave të përhershme, dhe qeveria e Netanyahut nuk mund të vazhdojë në rrugën e saj aktuale.”
◾️ Ajo sqaroi se, megjithëse e konsideron këtë amendament “të pamenduar mirë”, votoi në favor të tij “për mesazhin që ai përcjell”, duke theksuar:
“Për të mirën e popullit izraelit dhe të popullit palestinez, është e qartë se politika amerikane duhet të ndryshojë.”
