Publikimi nga Aleanca i aeroplanmbajtëses më të madhe në botë
Organizata e Traktatit të Atlantikut të Veriut (NATO) publikoi në profilin e saj zyrtar “X” një foto të aeroplanmbajtëses më të madhe në botë që lundron në ujërat norvegjeze.
“Kjo është diçka që nuk e shihni çdo ditë. Aeroplanmbajtësja më e madhe në botë, anija amerikane ‘USS Gerald R. Ford’, po lundron në Oslofjord,” tha NATO në një deklaratë.
Në lajme të tjera, për natën e dytë radhazi, dronë të paidentifikuar kanë fluturuar mbi qiellin danez, konfirmoi Ministria daneze e Mbrojtjes.
Ky është i fundit në një seri incidentesh të regjistruara mbi bazat ushtarake këtë javë.
Aeroporti i Kopenhagenit u mbyll gjithashtu përkohësisht për shkak të tyre, dhe Danimarka mbylli aeroportet e saj për të gjitha fluturimet civile sot, pasi dronë të paidentifikuar u panë pranë disa objekteve ushtarake gjatë natës, njoftoi ministri i Mbrojtjes i vendit Troels Lund Poulsen.
Në përgjigje të kërcënimeve në rritje, NATO njoftoi forcimin e misionit të saj në Detin Baltik duke dërguar një fregatë mbrojtjeje ajrore dhe mjete shtesë gjurmimi dhe mbikëqyrjeje.
Incidente të ngjashme janë regjistruar në Norvegji, ku avionë të paidentifikuar janë parë pranë bazave ushtarake.
Policia norvegjeze vazhdon të hetojë incidentet pranë Aeroportit të Orlandit. /tesheshi.com/
