Prishtinë, më 22 qershor 2022
Me ftesë të ministrit të Ministrisë së Vakëfeve dhe Çështjeve Islame të Kuvajtit, kryetari i Bashkësisë Islame të Kosovës, Myftiu Naim ef. Tërnava, i shoqëruar nga shefi i kabinetit të tij, Besim ef. Mehmeti, po qëndrojnë për vizitë punë në shtetin e Kuvajtit.
Myftiu Tërnava u prit sot në takim në Ministrinë e Vakëfeve dhe Çështjeve Fetare të Kuvajtit nga zëvendësministri Ferid Imadi, të cilin Myftiu e njohu me veprimtarinë, sfidat, aktivitetet dhe projektet e Bashkësisë Islame të Kosovës.
Myftiu Tërnava e falënderoi Qeverinë e Kuvajtit, si dhe popullin e tij për ndihmat dhe përkrahjen e ofruar për shtetin e Kosovës në fusha të ndryshme. Ai gjithashtu e njohu zëvendësministrin edhe me arritjet që janë bërë në fushën e vakëfeve që nga përfundimi i luftës e tutje.
Zëvendësministri Imadi dhe Myftiu Tërnava u pajtuan që në të ardhmen të thellohet bashkëpunimi në fusha të ndryshme në interes të përbashkët të të dyja vendeve.
The post Myftiu Tërnava u prit në takim nga zv.ministri i Vakëfeve dhe Çështjeve Islame të Kuvajtit appeared first on Bashkësia Islame e Kosovës.
