12.2 C
Pristina
Friday, March 29, 2024

Kompanive kosovare u rrezikohet prodhimi nga mungesa e lëndës së parë

Më të lexuarat

Kompania kosovare “Meka” si njëra nga kompanitë më të mëdha vendore në Kosovë, po vazhdon të ballafaqohet me telashe në funksionim nga faktorët e jashtëm. Pas problemit me energjinë elektrike, tashmë kompanisë “MEKA”, po i rrezikohet prodhimtaria nga mungesa e lëndës së parë, si pasojë e problemeve me transportin.

Pronar i kompanisë “Meka”, Burim Piraj në një intervistë për Ekonomia Online ka thënë se zbatimi jo i duhur i Ligjit për Transportin po u shkakton probleme prodhuesve vendës.

Ai ka sqaruara se Ministria e Transportit ka vendos leje për kamionët e vendeve të treta që transportojnë mall për në Kosovë.

Sipas tij, kamionët nga Maqedonia nuk paska opsion si të pajisen me atë leje, kurse kamionët nga Serbia po.

“Ligji ka hyrë në vitin 2013. Që nga atëherë për këtë herë institucionet e Kosovës nuk kanë punuar. Ligji përcakton rregullat normat dhe marrëveshjet ndërkombëtare për transport brenda territorit të Kosovës dhe jashtë saj. Unë jam për atë që ligjet të zbatohen. Ligjet që janë në fuqi të zbatohen poashtu edhe ligji në fjalë”.

“Mirëpo mënyra se si ka filluar të zbatohet është e ngutshme dhe ka shkaktuar huti dhe probleme. Neve na ka shkaktuar dëme të mëdha. Prandaj fillimi i zbatimit të ligjit po rrezikon që neve të na mbyllë edhe prodhimin derisa të gjejmë transport për të transportuar mallin nga Evropa në Kosovë. Do të kërkojmë zbatimin e ligjit në tersi”.

“Të miratohen marrëveshjet ndërkombëtare me vendet e regjionit për transport dhe pasi të përfundojnë procedurat e dhënies së lejeve atëherë të caktohet afat kur do të fillojnë të zbatohen ato leje për arsye se transportuesit maqedonas ankohen se ata jo që nuk duan që aplikojnë për leje mirëpo ankohen se nuk kanë ku t’i marrin ato leje dhe janë dënuar me kufi 50 euro duke u tërhequr vërejtjen se do të dënohen herën tjetër 500 euro”.

Ai  më tej ka shtuar se po rrezikohet furnizimi  me lëndë të parë. Sipas tij, si ka filluar të zbatohet Ligji është e ngutshme duke shtuar se situata është alarmante sepse janë injoruar nga të gjitha qeveritë.

“Rrezikohemi për mungesë të lëndës së parë. Kam vërejte në mënyrën e organizimit të bizneseve në Kosovë. Problemet e ndërmarrjeve tona janë problemet e qeverisë, sukseset tona janë edhe të shtetit sepse çdo ndërmarrje nëse ka suksese do të punësohen shumë të rijnë. Por situata është alarmante sepse të gjitha qeveritë i kanë injoruar të gjitha vërejtjet që kemi pasur si biznesmen”, tha Piraj. /Ekonomia Islame, EkonomiaOnline/

- Advertisement -spot_img

Më tepër

Të fundit