-5.6 C
Pristina
Tuesday, February 7, 2023

Irani kërkon “pajtim” me Arabinë Saudite

Më të lexuarat

Dy vendet me marrëdhënie diplomatike të ndërprera prej 7 vitesh

Ministri i Jashtëm i Iranit, Hossein Amir-Abdollahian tha të premten se shpreson të normalizojë marrëdhëniet me Arabinë Saudite, gjë që do të lejojë rihapjen e ambasadave të dy fuqive rajonale që janë mbyllur për shtatë vjet.

Dialogu midis Iranit shiit dhe Arabisë Saudite sunite filloi në Bagdad, dhe takimi i fundit u mbajt në prill të vitit 2022, transmeton AFP.

Ministri iranian më pas u takua shkurtimisht me homologun e tij saudit, si pjesë e një takimi rajonal në Jordani në dhjetor 2022.

“Ne shikojmë pozitivisht kthimin në marrëdhëniet normale me Arabinë Saudite, që do të çonte në rihapjen e zyrave përfaqësuese dhe ambasadave në Teheran dhe Riad, si pjesë e dialogut midis dy vendeve që duhet të vazhdojë”, tha Abdollahian në një shtyp.

Në nëntor, Teherani i bëri thirrje Riadit të ndryshojë sjelljen e tij “armiqësore” dhe kërcënoi fqinjët e Iranit, përfshirë Arabinë Saudite, që t’i përgjigjen çdo përpjekjeje për të destabilizuar vendin.

Të dy vendet ndërprenë marrëdhëniet shtatë vjet më parë, pas sulmeve ndaj misioneve diplomatike saudite në Republikën Islamike, pasi Riadi ekzekutoi një udhëheqës fetar shiit.

Teherani dhe Riadi mbështesin palët rivale në disa konflikte në rajon, duke përfshirë atë në Jemen.

Irani ka ndikim më të madh në Irak dhe Liban dhe mbështet regjimin e presidentit Bashar al-Assad në Siri. /tesheshi.com/

- Advertisement -spot_img

Më tepër

Të fundit