Fotot tronditëse të civilëve të vdekur në rrugët e Bucha-s kanë provokuar një dënim të madh në mbarë botën, por dhe në Rusi, pikërisht për atë çfarë kanë bërë rusët në qytetin ukrainas afër kryeqytetit Kiev.
Një protestues i guximshëm në rrugët e Moskës ka vendosur të nderojë viktimat e masakrës së Bucha-s, shkruan BBC, dhe përcjell RTL.
Konktretisht, fotot e një burri të shtrirë në disa lokacione në Moskë me duar të lidhura kanë bërë xhiron e botës, në të njëjtën mënyrë që trupat e disa ukrainasve u gjetën atje, në atë që tashmë po quhet “Srebrenica e re”. /tesheshi.com/
