Situata me helmimet në Deçan ka marrë përmasa tragjike ku së fundmi u raportua për dy viktima.
Të paktën 900 persona që nga dita e shtunë kanë kërkuar ndihmë mjekësore, ndërsa paraprakisht dyshohet se janë helmuar nga uji i pijshëm.
Kryetari i komunës së Deçanit, Bashkim Ramosaj ka njoftuar se në territorin e kësaj komune është shpallur gjendje e jashtëzakonshme.
Me anë të këtij vendimi të gjitha institucionet e nivelit lokal organizohen për Ngritjen e Gatishmërisë për Menaxhimin situatës Emergjente krijuar pas helmimit.
Ndërkohë Instituti Kombëtar i Shëndetit njoftoi të hënën së nga gjashtë mostra të testuara të ujit, tek dy prej tyre janë gjetur koloni të shumta të baktereve.
/abcnews.al/
