Forcat e sigurisë në Irak kanë nisur një sulm ndaj aeroportit të Mosulit, një pjesë kyçe e ofensivës së qeverisë për të larguar militantët e të ashtuquajturit Shteti Islamik nga gjysma e qytetit.
Ata gjithashtu kanë sulmuar një kamp ushtarak në afërsi, transmeton portali arbresh.info. Sulmi i këmbësorisë është përcjellë nga sulmet ajrore të amerikanëve.
Pista veçse ishte shkatërruar nga ISIS, por kapja e një lokacioni të tillë do të ndihmonte ushtrinë irakiane të kontrollonte rrugët jugore që çojnë në Mosul.
Pjesa lindore e qytetit është kapur muajin e kaluar.