Nusret Pllana, që dikur e ftonim në xhamitë tona shqiptare për të promovuar librin e tij, dhe për t’i mbledhur para në mënyrë që libri të ribotohet dhe të shpërndahet sa me shumë, tani pasi ka marrë paratë nëpër xhamitë shqiptare në vend e në diasporë, tashmë si aktivist i Lëvizjes së Deçanit ka dalur publikisht për t’i fyer shtëpitë e Zotit, të Dërguarit e e Zotit dhe gjithë komunitetin e besimtarëve.
Në kohë të trazuara për historinë e Kosovës, zëri i atyre që dokumentuan krimet serbe ka qenë jetik për të vërtetën dhe kujtesën kolektive.
Por personi me kontributin më të lartë në këtë fushë është Esat Shala, ai është një ndër ata patriotë që, me guxim dhe përkushtim, kontribuuan në nxjerrjen në dritë të fakteve dhe dëshmive për padrejtësitë e kryera ndaj popullit shqiptar. Përkrahja e tij për të vërtetën historike dhe për dinjitetin kombëtar e ka bërë figurë të respektuar në një pjesë të opinionit publik. Esati ka vepruar vullnetarisht, përkundër Nusret Pllanës i cili ka përfituar materialisht gjatë gjithë kohës.
Megjithatë, patriotizmi nuk nënkupton heshtje përballë çështjeve që cenojnë unitetin shoqëror. Në një moment kur në diskursin publik u hodhën deklarata që përbëjnë sulme ndaj shqiptarëve të Kosovës mbi bazë të përkatësisë së tyre fetare islame, Esati zgjodhi të reagojë. Edhe pse kishte pasur bashkëpunim me figura si Nusret Pllana, ai kritikoi hapur çdo qasje që, sipas tij, rrezikon të ndajë shqiptarët në vija fetare.
Ky qëndrim mori edhe më shumë peshë duke pasur parasysh se komuniteti besimtar dhe xhamitë – brenda dhe jashtë vendit – kanë qenë shpesh mbështetës të nismave kombëtare e humanitare. Për shumë qytetarë, çdo retorikë që sulmon fenë si të tillë, apo që krijon ndasi mes shqiptarëve në bazë të besimit, shihet si e dëmshme dhe e panevojshme.
