Presidenti turk Rexhep Tajip Erdogan, gjatë fjalës së tij në mbledhjet e Asamblesë së Përgjithshme të Kombeve të Bashkuara në Nju Jork, theksoi se bashkësia ndërkombëtare është e thirrur të marrë një qëndrim më të vendosur ndaj Izraelit, duke nënvizuar se interesat e popullit sirian duhet të jenë në qendër të çdo vendimi që lidhet me të ardhmen e Sirisë.
Erdogani sqaroi se nuk mund të arrihet një stabilitet i qëndrueshëm në Siri përmes dhënies së privilegjeve sektare apo grupore, duke përsëritur angazhimin e vendit të tij për të mbrojtur unitetin territorial dhe integritetin politik të Sirisë.
Gjithashtu, presidenti turk refuzoi çdo iniciativë që mund të injorojë vullnetin e sirianëve ose t’u shërbejë ambicieve separatiste dhe organizatave terroriste.
