17.8 C
Pristina
Saturday, September 18, 2021

DO NA NJOHIN DISA SHTETE TË AMERIKËS LATINE?

Më të lexuarat

Kosova pret që së shpejti të njihet nga disa shtete të Amerikës Latine, Amerikës Qendrore, si dhe vende të botës arabe. Kreu i diplomacisë, Enver Hoxhaj ka ndërmarrë një fushatë lobuese për rritjen e numrit të njohjeve të vendit. Hoxhaj ka zhvilluar një sërë takimesh me krerë të vendeve të Amerikës Latine që ende nuk e kanë njohur Kosovën.

Artan Behrami, këshilltar i ministrit Hoxhaj, ka konfirmuar se vizita disaditëshe ka pasur për qëllim rritjen e numrit të shteteve që e njohin pavarësinë e Kosovës.

“Ministri Hoxhaj ka zhvilluar shumë takime me ministra të punëve të jashtme të shteteve që ende nuk e kanë njohur pavarësinë e Kosovës. Në këto takime ministri Hoxhaj ka kërkuar nga këto shtete që të njohin pavarësinë e Kosovës dhe të vendosin marrëdhënie diplomatike”, ka thënë Behrami.

Ai është i bindur se brenda një periudhe shumë të shkurtër Kosova do të ketë disa njohje nga Amerika Jugore dhe kontinente të tjera – raporton Koha.

“Ministri Hoxhaj ka marrë premtime të qarta se shumë shpejt disa shtete të Amerikës Latine dhe të Amerikës Qendrore do ta njohin pavarësinë e Kosovës. Edhe kryeministri i Kosovës ka marrë premtime që do të ketë njohje nga bota arabe, por do të ketë edhe nga Afrika”, ka paralajmëruar Behrami. kohaislame

- Advertisement -spot_img

Më tepër

Të fundit