E pyetur nga gazetarët lidhur me bisedimet për një “ushtri evropiane”, zëdhënësja e Komisionit Evropian, Nabila Massrali, tha se asnjë propozim i tillë nuk është në tryezë
Komisioni Evropian ka deklaruar se Bashkimi Evropian (BE) nuk ka në plan të themelojë një “ushtri evropiane”, por më tepër po përqendrohet në forcimin e aftësive ushtarake të anëtarëve individualë të bllokut, transmeton Anadolu Agency (AA).
E pyetur nga gazetarët lidhur me bisedimet për një “ushtri evropiane”, zëdhënësja e Komisionit Evropian, Nabila Massrali, tha se asnjë propozim i tillë nuk është në tryezë.
“Puna jonë aktuale është më e fokusuar në mbështetjen e kapacitetit të vendeve anëtare për t’iu përgjigjur zhvillimeve duke forcuar industrinë tonë”, u përgjigj Massrali.
Mbi strategjinë e mbrojtjes së Kompasit Strategjik të BE-së, Massrali tha se puna si BE-ja merr përgjegjësinë për sigurinë e tyre do të përmendet në strategjinë që pritet të dalë në formë drafti deri në fund të vitit.
Ideja e themelimit të një ushtrie evropiane fitoi përsëri interes pas tërheqjeve kaotike evropiane nga Afganistani dhe paktit të sigurisë së Indo-Paqësorit, që u shpall javën e kaluar midis SHBA-së, Mbretërisë së Bashkuar dhe Australisë, me Francën dhe BE-në të lënë jashtë paktit.
