Angel Sanguino nga Venezuela ka realizuar një protezë krahu pasi ka humbur njerin nga krahët në një aksident me motor. Mjekët ishin të detyruar që t’ia prisnin krahun e plagosur pasi nuk kishin mundësi tjetër rikuperimi.
33 vjeçari nuk u dorëzua edhe pse mjekët i këshilluan që të pranonte faktin se do të ishte me një krah. Sanguino me dëshirën e madhe se do të bëhej baba dhe duke qenë se është teknik elektronik, realizoi një krah-protezë.
Ai e filloi realizimin e këtij krahu protezë, me qëllim që të kishte mundësi të rikthehej dhe të vazhdonte punën e tij, për të siguruar të ardhura ekonomike për të mbajtur familjen e tij.
“Gjatë kohës që rrija në spital dhe më pas në shtëpi, fillova të dizenjoja një protezë të përshtatshme për punën time. Kjo është proteza që realizova, apo vepra ime e artit, siç e quaj unë. “- thotë Angel Sanguino. /albeu/kohaislame
