Edhe gazetari Berat Buzhala ka reaguar pas kërcënimit që ka marrë kryeredaktorja e gazetës “Zëri”, Arbana Xharra.
Buzhala ka fajësuar Lëvizjen Vetëvendosje për këtë kërcënim.
Ai përmes një reagimi në profilin e tij zyrtar në rrjetin social “Facebook”, ka shrkuar se i gjithë ky terren është përgatitur nga sajtet “satirike” të Lëvizjes Vetëvendosje, të cilat sipas tij, fillimisht përmes shkrimeve e linçuan Xharrën.
Reagimi i plotë i Buzhalës:
Sajtet ‘satirike’ te Levizjes Vetevendosje e pergatiten terrenin qe ndaj Arbana Xharres, dhe familjes, fushata te vazhdohet me mjete tjera – te dera e shtepise.
Rendom gjate historise ka ndodhur keshtu. Fillimisht te lincojne me shkrime. Pastaj afrohen te dera e shtepise.
Nese nuk dorezohesh, pastaj, kalojne ne hapa konkret.
Me jave te tera kane vazhdu sulmet e sajtit ‘satirik’ te LVV’se, ndaj Arbanes dhe axhes se saj.
Normalisht qe pastaj priten veprime te ketilla.
Vetevendosje eshte shnderruar ne parajse te grupeve radikale, te te gjitha ngjyrave. Edhe atyre fetare.
