Shkrimtari Kim Mehmeti mbrëmë në debatin me gazetarin Berat Buzhala ka qenë shumë kritik ndaj asaj që gazetarët e portretizojnë fenë. Kur gazetari e përmendi që në Maqedoni a ka nevojë më shumë të investohet në edukim se sa në xhamia, Mehmeti ia kthehu: “Po feja nuk është kundër edukimit”. Ndërsa vazhdoi gazetari duke thënë: “po feja nuk është shkencë”. Ndërsa Mehmeti këtu e bllokojë me përgjigje: “Po feja nuk duhet të jetë është shkencë dhe mirë që nuk është shkencë”
“Shqiptarët e Maqedonisë asnjëherë nuk kanë thënë se po u rrezikohet feja. Për fenë më shumë flisni ju që jeni jashtë Maqedonisë, që sa na shihni neve shqiptarëve të Maqedonisë edhe koka jonë u duket si minare. Kam përshtypjen se ata që shkruajnë keq për fenë se kuptojnë një gjë se AntiIslamizmi është antishqiptari, njëjtë sikur është antikrishterizmi antishqiptari”. – ka thënë Kim Mehmeti
Arsyet se pse AntiIslamizmi është Antishqiptari sipas Mehmetit është për shkak se kur dikush shpërfill besimin e 70% të popullit atëherë ti je edhe kundër meje dhe se shqiptarin nuk mund ta prish asgjë sikur mos durimi fetar që po mundohet ta prish dikush.
Kur u pyet se pse shumë shqiptar u bashkëngjiten DAESH-it, Mehmeti ua kthehu: “Për të njëjtën arsye që ne prodhuam më shumë prostituta, për të njëjtat arsye se ne prodhojmë më shumë shqiptar që ndërrojnë fe, emër e etni. Arsyeja pse erdhëm këtu është se Kosova ishte djepi i atdhetarizmit shqiptar dhe këtë djep e shkatërruam në arsim, në shëndetësi, në ekonomi, në politikë, humbëm vlerat familjare, bëmë vlerë perëndimore të prapanicën e këngëtareve të prishura perëndimore.”
