Pas vrasjes së ambasadorit rus në Turqi, agjencia e lajmeve ruse ‘Tass’ shkruan se autori i identifikuar si Mevlut Mert Altintas, ish-pjesëtar i policisë turke, ishte shkarkuar nga detyra pas tentativës për grusht shteti korrikun e kaluar në Turqi. Ndërkohë sipas agjencisë turke “Haberturk” 22-vjeçari ka qenë pjesëtar i organizatës së Fetullah Gulenit, të cilin autoritet turke e akuzojnë për tentativën e grushtit të shtetit.
Ambasadori rus Andrey Karlov humbi jetën si pasojë e plagëve të marra, pasi u qëllua me armë gjatë kohës që po mbante një fjalim në një ekspozitë në Ankara.
