Presidenti i Rusisë, Vladimir Putin, i ka shkarkuar katër zyrtarë qeveritarë, të cilët më herët këtë muaj janë zgjedhur anëtarë të Akademisë së shkencave të Rusisë.
Putin sot e ka publikuar një shpallje për shkarkimin e zyrtarëve, Vasily Khristoforov, Konstantin Kotenko, Aleksadr Fisun dhe Aleksandr Savenkov.
Në mbledhjen e Këshillit të shkencës dhe arsimit të qeverisë së Rusisë, më 23 nëntor, Putin tha se do ta shkarkoj secilin zyrtarë qeveritarë, që e pranon zgjedhjen në Akademinë e shkencave. Aktualisht, 14 zyrtarë e kanë pranuar zgjedhjen.
Putin ka thënë se nuk është e mundshme që zyrtarët njëkohësisht t’i kryejnë obligimet e tyre në qeveri dhe akademi.
