1. Llogaritja e zekatit sipas kalendarit hënor
- Zekati duhet të llogaritet sipas kalendarit hënor.
- Nëse nuk ka mundësi, llogaritja sipas kalendarit diellor bëhet me normën 2.577%.
2. Vlerësimi i mallit për zekat
- Pa marrë parasysh nëse shitet me pakicë apo shumicë, vlerësimi bëhet me çmimin e tregut në ditën e zekatit, duke llogaritur vlerën e të gjithë mallit përnjëherë.
3. Zekati për mallrat tregtare
- Pasi të ketë arritur nisabin (vlerën e 85g ar 24k), zekati jepet 2.5% për çdo vit, edhe nëse është dhënë vitin e kaluar, njësoj si për kursimet.
4. Koha e qëndrimit të mallit për zekat
- Kushti i qëndrimit një vit për mallrat tregtare nuk vlen, pasi ato qarkullojnë gjatë vitit, konvertohen në para dhe anasjelltas.
- E rëndësishme është që vlera e pasurisë të qëndrojë një vit.
5. Forma e dhënies së zekatit
- Lejohet dhënia e zekatit edhe në formën e mallrave tregtare, por vetëm prej atyre kategorive që janë të dobishme për ata që kanë të drejtë të marrin zekat, si:
- Ushqime
- Rroba
- Barna
- Vegla pune
- Pajisje shtëpiake për të varfrit
- Material për xhami, etj.
6. Zekati i të ardhurave periodike
- Për rrogat, qeratë, projektet etj., pasi të plotësohet nisabi, zekati duhet të jepet për tërë shumën e poseduar në datën e zekatit, sipas Imam Ebu Hanifes.
- Kjo metodë është më e rekomanduar dhe më e praktikuar në botën islame.
- Sipas disa dijetarëve të tjerë, për çdo të hyrë zekati jepet vetëm pasi t’i kalojë asaj shume një vit i plotë, por kjo metodë është më e vështirë për kalkulim dhe jo praktike.
7. Zekati për stolitë
- Zekati jepet vetëm për atë sasi të arit që nuk bartet shpesh dhe ruhet si thesar, qoftë ai monedha ari apo ar i vjetër i thyer.
- Ari 14k, 18k etj. duhet të konvertohet në vlerën e 24k për të llogaritur nisabin.
- Për formulën e konvertimit, shiko artikullin e hoxhës Almedin Ejupi: “Përqindja e arit gjatë llogaritjes së zekatit”.
8. Borxhet e dhëna dhe zekati
- Borxhet që na i kanë të tjerët:
- Nëse janë të sigurta dhe të mira, përfshihen në llogaritjen e zekatit.
- Nëse janë të pasigurta ose të këqija, nuk llogariten për zekat.
9. Borxhet që kemi ndaj të tjerëve
- Borxhet që kemi ndaj të tjerëve minusohen nga pasuria për zekat, por vetëm ato që do të paguhen brenda vitit zekator, e jo këstet shumvjeçare.
10. Falja e borxheve dhe zekati
- Nuk lejohet falja e borxheve (sidomos ato tregtare) në emër të zekatit, sipas shumicës së dijetarëve, sepse zekati është dhënie, jo falje.
Hoxhë Llokman ef. Hoxha
