Prishtinë, më 23 janar 2025
Kryetari i Bashkësisë Islame të Kosovës, Myftiu Naim ef. Tërnava, ka pritur sot në takim presidentin e Këshillit Botëror të Komuniteteve Myslimane, dr. Ali Rashid al Nuaimi.
Gjatë këtij takimi u diskutua për mundësitë e thellimit të bashkëpunimit ndërmjet dy institucioneve. Myftiu Tërnava me këtë rast shprehu falënderimet dhe mirënjohjen e tij të thellë për mbështetjen dhe ndihmat e vazhdueshme që ka dhënë Qeveria e Emirateve të Bashkuara Arabe për Kosovën dhe Bashkësinë Islame të Kosovës, në veçanti në sektorin e zhvillimit dhe të humanitetit. Ai shprehu gatishmërinë e tij dhe të institucionit që ai drejton që një bashkëpunim i tillë të vazhdojë edhe në të ardhmen.
Nga ana e tij, dr. Ali Rashid al Nuaimi, theksoi angazhimin e Këshillit Botëror të Komuniteteve Myslimane në mbështetje të iniciativave të paqes dhe bashkëpunimit, duke shprehur gatishmërinë e tyre për mbështetjen e projekteve që promovojnë mirëqenien dhe tolerancën e besimtarëve në Kosovë.
