Në 59-vjetorin e sulmit izraelit ndaj një anijeje amerikane që shkaktoi vdekjen e 34 personave, një deputet amerikan kërkon hapjen e një hetimi të ri për ta nxjerrë Izraelin para përgjegjësisë.
Deputeti amerikan tha në një postim në platformën X:
“Sot bëhen 59 vjet që kur Izraeli sulmoi anijen USS Liberty në ujërat ndërkombëtare. 34 anëtarë të ekuipazhit u vranë dhe 174 të tjerë u plagosën nga ushtria izraelite. Sot fola në Dhomën e Përfaqësuesve për të nderuar të rënët dhe për të njohur të mbijetuarit që ndodheshin në anije.”
Forcat ajrore dhe detare izraelite bombarduan anijen amerikane të dedikuar për mbledhjen e informacioneve të inteligjencës, ndërsa ajo ndodhej në ujërat ndërkombëtare pranë Gadishullit të Sinait gjatë luftës së vitit 1967.
Kjo ndodhi gjatë luftës së njohur si Lufta Gjashtëditore (1967), në të cilën Izraeli mori nën kontroll Gadishullin e Sinait, Rripin e Gazës dhe Bregun Perëndimor.
