Prishtinë, më 11 dhjetor 2024
Kryetari i Bashkësisë Islame të Kosovës, Myftiu Naim ef. Tërnava, i shoqëruar nga bashkëpunëtorët e tij, është pritur sot në takim nga ambasadori i Arabisë Saudite në Tiranë, njëherësh ambasador jorezident për Kosovën, z. Feisal Hefzi.
Gjatë këtij takimi u diskutua për bashkëpunimin e deritanishëm ndërmjet dy institucioneve, si dhe për format dhe mundësitë e intensifikimit të këtij bashkëpunimi në të ardhmen.
Myftiu Tërnava shprehu falënderimet e tij për shtetin e Arabisë Saudite për ndihmat dhe përkrahjen e vazhdueshme që ka dhënë për popullin e Kosovës si dhe për Bashkësinë Islame të Kosovës. Ai shprehu gatishmërinë e tij që një bashkëpunim i tillë të vazhdojë edhe në të ardhmen.
