Ato që kurrë s’mund t’i thotë Edi Rama, i kumton mjeshtërisht Enis Rama…
Njëzetë e kusur vite nga përfundimi i luftës e kalimi i Kosovës në liri, çështja e atdhedashurisë ose e atdhetradhëtisë është rikthyer sërish, diktuar nga zhvillime me re lufte. Por jo vetëm kaq ngushtësisht. Tradhëtar i atdheut tënd mund të jesh në çdo rrethanë, në luftë e paqe, gjersa atdheu ka nevojë për dashuri e jo tradhëti si në luftë e si në paqe.
Por si e sheh tradhëtinë ndaj atdheut një prej hoxhallarëve më të njohur e më të ndjekur të Kosovës, Enis Rama i xhamisë qendrore në Mitrovicë?
Hoxha që njihet për një logjikë të akullt, ka bërë një lidhje mes tradhëtisë në familje e tradhëtisë ndaj atdheut, duke qënë tejet bindës në qasjen e shpjegimin e tij.
Nëse je tradhëtar në familje, pra nëse je tradhëtar bashkëshortor, je dhe tradhëtar i atdheut tënd, konkludon Enis Rama.
