Rasti i pezullimit të nxënëses A.D nga gjimnazi “Bedri Pejani” në Pejë për shkak të bartjes së shamisë ka ndezur debate të gjera në opinionin publik.
Nxënësja e gjimnazit “Bedri Pejani” në Pejë, e cila është larguar nga kjo shkollë për shkak të bartjes së shamisë, nuk është lejuar as sot të hyjë në shkollë.
Pavarësisht tentimeve të saj për të vijuar mësimin, ajo ka hasur në refuzimin e shkollës, duke shkaktuar debat të madh në opinionin publik lidhur me lirinë fetare dhe rregulloret arsimore në Kosovë.
Telegrafi ka tentuar të marrë një prononcim nga drejtori i Gjimnazit “Bedri Pejani”, por kjo ka qenë e pamundur.
Megjithatë, Telegrafi nga burimet e saj ka mësuar se se ka pasur vetëm kërkesë nga ana e Ministrisë së e Arsimit, por jo edhe vendim për rikthimin e nxënëses në shkollë, ndërsa ajo kërkesë i ka shkuar Drejtorit komunal të Arsimit në Pejë.
Nxënësja A.D. ka shkuar në shkollë edhe gjatë ditës së sotme, por pa një vendim nga autoritetet përkatëse, ajo nuk është lejuar të hyjë në ambientet e shkollës. /Telegrafi/
