Genocidi sionist dhe mbi mendjet inteligjente palestineze
Observatori Euro-Mesdhetar për të Drejtat e Njeriut zbuloi se ushtria izraelite vrau sistematikisht programues palestinezë, specialistë IT dhe punëtorë në këtë sektor jetik, ndërsa shkatërroi selinë e kompanisë së tyre.
Observatori thekson se ushtria izraelite ka shënjestruar dhe vrarë qëllimisht intelektualë, njerëz shumë të aftë, veçanërisht ata me kompetencë në teknologjinë e informacionit, programim dhe inxhinieri softuerike, dhe ata me ndikim në këto fusha jetike, si dhe elita të tjera në shoqërinë lokale si mjekët, akademikë dhe të tjerë.
Sipas Observatorit, vlerësimet paraprake tregojnë se janë shkatërruar dhe dëmtuar selitë e kompanive softuerike dhe IT, si dhe janë jashtë funksionit gjashtë inkubatorët e biznesit në këtë sektor dhe të gjitha qendrat teknologjike.
Euro-Med ka dokumentuar një listë që përfshin disa ekspertë në teknologjinë e informacionit, duke përfshirë programimin dhe inteligjencën artificiale, të cilët vdiqën si rezultat i sulmeve ushtarake izraelite që synonin vendndodhjet e tyre në vende të ndryshme në Rripin e Gazës.
Midis tyre është një inxhinier i shquar softuerësh, Haitham Muhammad Al-Nabahin, i cili konsiderohej si një nga ekspertët më të aftë në fushën e tij në Rripin e Gazës. Ai u vra së bashku me gruan e tij inxhiniere, Nasma Zuhair Sadiq, në bombardimet izraelite të kampit të refugjatëve Bureij në Rripin qendror.
Një nga të afërmit e Al-Nabahin tha në një deklaratë për Euro-Med se ai dhe familja e tij ikën në një shtëpi në Rafah, në jug të Rripit të Gazës, por ata u ekspozuan ndaj bombardimeve izraelite, gjë që çoi në vdekjen e dy fëmijëve, Muhamedit dhe Layanit, dhe plagosjes së gruas së tij, gjë që i shtyu ata të iknin përsëri në një shtëpi tjetër në kampin Bureij. Ushtria izraelite i gjeti dhe i vrau rreth dy javë më vonë.
Më 31 tetor, ushtria izraelite vrau Tariq Thabet, drejtor i Programit të Inkubatorit të Teknologjisë UCAS në Kolegjin Universitar të Rripit të Gazës dhe një i diplomuar në Programin e Bursave Hubert H. Humphrey në SHBA. Përveç tij, në sulmin izraelit u vranë gruaja, fëmijët, prindërit e tij dhe shumë anëtarë të tjerë të familjes.
Një bombardim i ngjashëm izraelit më 21 nëntorin e kaluar vrau inxhinierin e softuerit Baraa Abdullah Al-Saqqa, themelues i DITS, i cili ishte i specializuar në programimin e faqeve të internetit dhe aplikacioneve për smartphone. Ka punuar në shumë kompani të specializuara në atë fushë, si dhe ka qenë aktiv në mbajtjen e kurseve të programimit dhe punëtorive të specializuara.
Al-Saqqa u konsiderua si një nga zhvilluesit e rinj më të famshëm në Gaza, ai mori shumë çmime si mirënjohje për përpjekjet e tij në trajnimin e shumë punonjësve të rinj në komunitetin teknik, përveçse ishte student në një program master në fushën e inxhinierisë kompjuterike, i specializuar në inteligjencën artificiale.
Lista e zhvilluesve të vrarë përfshin Muhammad Al-Atal, i cili vdiq më 26 tetor, Hamza Al-Shami më 2 nëntor, Obaida Khater më 20 dhjetor, Anas Al-Sheikh më 9 mars dhe Abdul Rahman Hamada më 15 mars. Ndërsa ndër të vrarët në një grup zhvilluesish të rinj, janë: Rami Al-Sousi, Abdul Hamid Al-Fayoumi, Bilal Zaqout, Ahmed Nidal Qaddoura, inxhinier Mohamed Hassoun dhe të tjerë.
Në të njëjtën kohë, ushtria izraelite nisi sulme shkatërruese duke synuar selitë e kompanive të specializuara në teknologjinë e informacionit dhe kompanitë partnere, si pjesë e asaj që Observatori Euro-Mesdhetar dokumentoi shkatërrim të gjerë të shkaktuar në sektorin e teknologjisë dhe varfërimin e infrastrukturës përkatëse. /tesheshi.com/
