31 gushti është shpallur festë zyrtare në të gjithë vendin, ditë kjo në të cilën ka përfunduar pushtimi i Afganistanit me tërheqjen edhe të ushtarit të fundit të huaj
Administrata talebane në Afganistan ka festë zyrtare ditën kur nga vendi u largua ushtari i fundit i huaj, transmeton Anadolu.
Në një deklaratë nga Zyra e administratës së qeverisë përkohshme talebane, u njoftuan vendimet e marra nga Këshilli i Ministrave.
Sipas kësaj, bëhet e ditur se 31 gushti është shpallur festë zyrtare në të gjithë vendin, ditë kjo në të cilën ka përfunduar pushtimi i Afganistanit me tërheqjen edhe të ushtarit të fundit të huaj.
Konfliktet mes palëve në muajt e verës 2021 u intensifikuan pas dështimit të bisedimeve të paqes që vazhduan mes qeverisë afgane dhe talebanëve ndërsa talebanët filluan të marrin një e nga një kontrollin e qyteteve të Afganistanit.
Paralelisht me këtë edhe forcat e huaja që ndodheshin në Afganistan nën strukturën e NATO-s përshpejtuan tërheqjen e ushtarëve të tyre.
Në këtë mënyrë pushtimi i SHBA-së në Afganistan i cili filloi më 7 tetor 2001, përfundoi më 31 gusht 2021 me tërheqjen edhe të ushtarit të fundit të SHBA-së.
/aa/
