Të hënën, më 10.10.2022, në organizim të Muftinisë së BFI – Gostivar nën patronazhin e Reisul Ulema i BFI e RMV, H. Hfz. Shaqir ef. Fetai u mbajt për të 19-tin vit me rradhë Manifestimi Tradicional “MIRË SE ERDHE O RESULALL-LLAH”, në përkujtim të Muhammedit alejhis-selam. Në Palestrën Sportive RINIA në Gostivar, jehoi zëri i bukur i këndimit të fjalëve të All-llahut xh.sh. nga Hfz. Junus Koçan -mysafir special nga Turqia. Më pas fjalë përshëndetëse mbajti Muftiu i Muftinisë së BFI – Gostivar, H. Sabahudin ef. Zendeli, i cili u dëshiroi mirëseardhje të gjithëve duke kujtuar se Muhammedi a.s. dhe dashuria ndaj tij na bëjnë që çdo vit të tubohemi në këtë mënyrë që të përkujtojmë lindjen e tij dhe mesazhin që ai la pas veti për ne. Në vazhdim të programit si çdo vit, u paraqit Kori i Muftinisë dhe i Medresesë së Gostivarit me ilahije kushtuar Muhammedit a.s., Medresesë dhe përmallimit të njerëzve për të me performime të mrekullueshme nga orkestri dhe udhëheqësi i Korit, si: Nejla Veseli, Ibrahim Ameti, Amina Ademi dhe Ajnure Rufati. Patën fatin të dëgjojmë edhe fjalët përshëndetëse të zv. Kryetarit të Diyanetit të R. së Turqisë, Dr. Burhan Ishlijen i cili përcolli selamet e përzemërta të besimtarëve të Turqisë. Më pas fjalën e rastit e mbajti Reisul Ulema i BFI e RMV, H. Hfz. Shaqir ef. Fetahu, i cili në fillim përmes lutjeve tek i Madhi Zot për shpirtin e Muhammedit a.s., tha se jeta jonë duhet të ndryshojë për nga e mira dhe vlerat që mbjelli ai, të jenë prezente tek shoqëria jonë. Më pas, Flamur Kasami si mysafir special këndoi ilahinë “Rrushi i hidhur”, për t’u ngjitur në skenë aktori i mirënjohur i nga Tetova, i cili me poezinë “O KANDIL NDRIÇUES” e “elektrizoi” publikun, ku të gjithë në shenjë respekti u emocionuan në nga fjalët e mëdhaja që ai i tha për Muhammedin a.s. Poashtu tubimin e mbrëmshëm e bëri të këndshëm edhe studenti Arben Emini i cili u paraqit me ilahijet e reja “ES-SELAMU ALEJKE” dhe “ALLAH JA RAHIM” kushtuar Muhammedit a.s. dhe adhurimeve në Islam. Në këtë event, u dëgjua edhe ilahija e re “RESULULLAHI SEVELIM” e interpretuar në gjuhën turke nga Maestro Mr. Eljesa Asani. Programi u përmbyll me këndim Kur’ani nga Dr. Flamur Kasami dhe duanë e bërë nga hoxha i madh Ali Bulut nga Ankaraja. Në këtë Manifestim, pjesëmarrës ishin të gjitha strukturat e BFI e RMV, të gjithë Muftinjtë me shoqëruesit e vet, sektorët e BFI, institucionet arsimore, përfaqësues të jetës politike e shoqërore, përfaqësues të pushtetit lokal e qendror, mysafirë nga Kosova e Shqipëria si dhe shumë miq e të ftuar nga vendi e jashtë. Ky program me moderim të referentit fetaro arsimor pranë Muftinisë së Gostivarit Mallzim Zendeli dhe Prof. Hafsa Rushiti, u realizua drejtpërdrejt në eterin publik të televizioneve lokale dhe faqeve publike të institucionit fetare në vend –Bashkësisë Fetare Islame dhe Muftinisë së BFI-Gostivar
