A jeni tërhequr ndonjëherë për të blerë nga një biznes specifik?
Misioni, logo, mesazhet që përcjell jane faktorë që luajnë rol në strategjinë e brendimit të kompanisë, sepse përmes tyre dallohet dhe diferencohet nga konkurentët e saj. Strategjia e brendimit është mënyra se si një biznes pozicionohet për të përcjellë misionin, qëllimin dhe zgjidhjen që u ofron klientëve që ka. Pra, është qasja që merr biznesi në një përpjekje për të përcjellë te konsumatorët e tyre vlerat e tyre thelbësore dhe mënyrën se si ata duan të përfaqësohen në treg.
Më shumë se 86% e konsumatorëve marrin parasysh origjinalitetin e një marke kur vendosin se ku të blejnë. Një markë efektive me identitetin e duhur vizual do të ndihmojë çdo fushatë marketingu. Për të krijuar një brend që reziston, duhet të kuptoni se si mendojnë klientët tuaj. Ata do t’i shikojnë produktet tuaja si një zgjidhje. Përcaktoni pikat e dobëta të klientit tuaj dhe caktoni një “vlerë” për secilën prej tyre:
Analizoni brendet konkurruese sepse duhet të siguroheni që të dallohet kur krahasohet me brendet e tjera në treg. Bëni një analizë konkurruese për të kuptuar se si brendi juaj do të përshtatet në ekosistemin tuaj konkurrues. Ju nuk duhet të kopjoni një brend tjetër, pavarësisht nëse është me apo pa dashje. Më shumë se 86% e konsumatorëve e konsiderojnë origjinalitetin një faktor kyç kur zgjedhin një brend.
- Çfarë personaliteti do të ketë brendi juaj?
Është një element kryesor që do të dallojë brendin tuaj nga të tjerët. Një nga komponentët më të mëdhenj të një brendi është dizajni vizual. Ka kaq shumë elementë të dizajnit që duhen marrë parasysh kur krijoni markën tuaj. Kjo perfshin: Ngjyrën, Ikonografinë, Fontet, dhe Stilet e imazhit.
Ndonjëherë kur njerëzit mendojnë për brendin e një kompanie, ata mendojnë për logon (edhe pse një brend është shumë më tepër se thjesht një logo). Kompanitë që përdorin shumë një ngjyrë specifike në markën e tyre mund të rrisin njohjen me 80%.
Testoni, analizoni dhe finalizoni markën tuaj. Është e rëndësishme të mblidhni vlerësime nga klientët ekzistues për të kuptuar se si interpretohet brendi juaj në treg. Kjo mund t’ju ndihmojë të bëni ndryshimet përfundimtare përpara se të publikoni brendin tuaj. Është e rëndësishme të ekspozoni brendin tuaj ndaj klientëve aktualë dhe një grupi të kontrolluar që nuk ka dëgjuar kurrë më parë për markën tuaj. Kjo do t’ju lejojë të mbledhni të dhëna të paanshme.
