Pyetja:
A i lejohet muslimanit ta lexoj Dhjaten e re?
***
Përgjigjja:
I Dërguari i Allahut, ﷺ, një herë e ka parë shokun e tij, Umerin (Allahu qoftë i kënaqur me të) me disa fletushka të Tevratit, pastaj e ka pyetur: “O Umer, çka është kjo?” Umeri i ka thënë: “Jam duke e lexuar Tevratin.” I Dërguari i Allahut, ﷺ, ka thënë: “Vallahi, sikur Musai alejhi selam të ishte gjallë do ta linte atë (Tevratin) dhe do të më ndjekte mua.” Pra, nëse Umerit i është tërhequr vërejtja për mos të lexuar atë, çfarë të themi për ata që vijnë pas tij?! Andaj, nuk është e preferuar që muslimanët e thjesht (xhemati) të lexojnë libra të feve të tjera, sepse elhamdulilah sot ka mjaft libra islame që duhet t’i lexojmë.
Hoxhë Zejd Haziri
