Kryeministri i vendit, Albin Kurti gjatë vizitës në Austri ka takuar kancelarin e ri Alexander Schallenberg, ndërsa kanë diskutuar për thellimin e marrëdhënieve mes dy vendeve.
Kurti në një postim në Twitter shkruan se Kosova dhe Austria kanë lidhje të forta historike, kulturore e politike.
“Sot pata kënaqësinë ta uroj kancelarin e ri austriak Alexander Schallenberg dhe të diskutojmë thellimin e raporteve shumë të mira bilaterale. Austria dhe Kosova kanë lidhje të forta historike, kulturore dhe politike, të cilat qeveritë tona do t’i forcojnë”, shkruan Kurti.
Ndryshe, kancelari i ri austriak ka marrë detyrën pas dorëheqjes që Sebastian Kurz për shkak të dyshimeve për implikim në afera korruptive. /Telegrafi/
