Agjencia Evropiane e Barnave pritet të vendosë për dy muaj nëse ilaçi për parandalimin dhe trajtimin e COVID-19 mund të jetë në dispozicion në BE
Agjencia Evropiane e Barnave (EMA) filloi të hënën vlerësimet nëse ilaçi Ronapreve kundër koronavirusit të ri (COVID-19) mund të jetë në dispozicion në Bashkimin Evropian (BE), njoftoi rregullatori evropian i barnave, raporton Anadolu Agency (AA).
Ilaçi, i bashkë-zhvilluar nga Regeneron Pharmaceuticals me bazë në SHBA dhe kompania farmaceutike zvicerane Roche, ka për qëllim të trajtojë dhe parandalojë COVID-19 tek personat mbi 12-vjeç.
“EMA do të vlerësojë përfitimet dhe rreziqet e Ronapreve brenda një afati kohor të reduktuar dhe mund të japë një opinion brenda dy muajsh”, tha agjencia, duke shpjeguar se ata tashmë kanë bërë një vlerësim paraprak të quajtur rishikim i vazhdueshëm bazuar në të dhënat nga studimet laboratorike dhe kafshët si dhe provat klinike.
Ilaçi është bërë nga një kombinim i dy antitrupave monoklonalë, kazirivimab dhe imdevimab, të cilët u krijuan për të njohur dhe bashkuar me proteinën e virusit COVID-19.
Pacientët mund të marrin Ronapreve me infuzion në venë ose me injeksion nën lëkurë.
