Irlanda ka raportuar 1,408 raste në 24 orë, numri më i lartë i të infektuarve që nga shkurti. 152 pacientë janë shtruar ditën e djeshme në spitale, 26 prej tyre në njësitë e kujdesit intensiv (ICU).
Mosha mesatare e 1,408 personave të diagnostikuar është 24 vjeç. Sipas epidemiologut irlandez Philip Nolan, përhapja e variantit Delta rrezikon të pavaksinuarit. Sipas zyrtarit kryesor shëndetësor të Irlandës, Tony Hulohan, aktualisht përqindja e njerëzve të infektuar dhe që shtrohen në spital nuk e kalon 2%.
Hulohan tha se rastet dhe shtrimet në spital do të ishin rritur në nivele shumë më të larta nëse fushata e vaksinimit nuk do të kishte filluar.
65% e popullsisë së rritur në Irlandë është vaksinuar kundër Covid deri më tani, sipas të dhënave zyrtare./abcnews.al
