Të prangosur dhe me gojë të mbyllur. Kështu të rinjtë e Lëvizjes BESA e kanë shfaqur revoltin ndaj Qeverisë, të cilën e akuzon se në forma të ndryshme përpiqet të pengoj rininë e kësaj partie, për të mos bërë aktivitete në interes të qytetarëve. Kryetari i Forumit Rinor të Lëvizjes BESA, Liridon Useini, ka thënë se policia vazhdimisht po i merr në pyetje dhe ushtron presion psikik.
Por veprimet e këtilla të pushtetit, ka thënë Useini nuk i frikësojnë. Pas protestës para Qeverisë, të rinjtë e Lëvizjes BESA kanë vendosur zinxhir dhe ngjitëse në dyert e hyrjes së Qeverisë.
