Gazetat kryesore ndërkombëtare sot janë hapur me njoftimin për fitoren e së majtës radikale SYRIZA në Greqi.
”Fitorja e së majtës fillon sfidën me euron”, ishte titulli i gazetës ”Financial Times”.
“Pas zgjedhjeve të treta në më pak se tre vjet, grekët u zgjuan sot në një pejzazh politik, ekonomik dhe social që ka ndryshuar aq shumë sa është pothuajse i shpërfytyruar që nga koha kur kriza e borxheve e çoi vendin drejt duarve të kreditorëve të huaj në vitin 2010”, thekson gazeta britanike.
”International New York Times” i kushton fitores së SYRIZA-s një foto të madhe në faqe të parë, ndërkohë që në faqet e brendshme është titulli ”Vota greke e parë si refuzim i masave shtrënguese”.
Kur fitorja e SYRIZA-s dje në mbrëmje nuk ishte konfirmuar akoma, kjo gazetë shkruante se ”një fitore e kësaj partie do të përfaqësonte një gur dramatik kilometrik për Evropën”.
Sipas gazetës ”Wall Street Journal” fitorja e së majtës radikale përgatit konfliktin me Evropën.
Për të përditshmen spanjolle ”El Pais” fitorja afron në kohë një nervozizëm në Evropë.
Kjo gazetë citon kryeministrin Mariano Rajoy i cili paralajmëron Spanjën të mos luajë me ruletën ruse të Podemos-it, i favorizuar për fitimin e zgjedhjeve të ardhshme parlamentare në vendin iberik.
Gazeta tjetër spanjolle ”El Mundo” titullon në gjithë faqen e parë ”Greqia sfidon trojkën” dhe nënvizon se partia ”Agimi i artë” është tani forca e tretë politike e vendit, pas rënies së të djathtës dhe socialistëve.
Revista e përjavshme gjermane ”Der Spiegel” titullon ”Grekët abandonojnë Angela Merkelin”, ndërkohë që ”Die Ziet” ka titullin ”Nata e triumfit të së majtës”.
Gazeta më e shitur gjermane ”Bild” titullon ”Fund politikës shkatërrimtare të shkurtimeve”.
Në Francë e përditshmja progresiste ”Le Monde” ka titullin ”Borxhi, prioritet i qeverisë së re greke”, ndërkohë që gazeta konservatore ”Le Figaro” ka titullin ”Kundër masava shtrënguese, Greqia i jep pushtetin SYRIZA-s”./trt/kohaislame
