OKB: Sirianët grupi më i madh refugjat pas palestinezëve

Agjencia e Kombeve të Bashkuara për Refugjatë (UNHCR) thotë se sirianët aktualisht janë grupi më i madh refugjat, pas palestinezëve. Në raportin e publikuar sot, UNHCR thotë se më se 3 milionë sirianë, prej mesit të vitit 2014, janë ndër 13 milionë refugjatët në gjithë botën, që marrin ndihmë nga kjo agjenci. Për afro 5 milionë refugjatë palestinezë kujdeset agjencia tjetër, UNRWA. Parashikohet se gjatë këtij viti, numri i refugjatëve sirianë mund të rriten në 4.3 milionë. Prej muajit mars të vitit 2011, kur ka filluar konflikti në Siri, janë vrarë së paku 200 mijë njerëz dhe gjysma e popullatës së Sirisë është zhvendosur. Pas palestinezëve dhe sirianëve, grupi i tretë më i madh i refugjatëve janë afganët, me 2.6 milionë refugjatë.