KUDS (AA) – MUSTAFA DEVECI
Rusia me veton e saj ndaj rezolutës për Sirinë ku vriten civilët mbron regjimin e presidentit sirian Bashar al-Asad ndërsa poashtu civilët palestinezë paguajnë çmimin e mbrojtjes diplomatike të cilën SHBA-të e bëjnë për të mbrojtur Izraelin duke përdorur të drejtën e vetos në Këshillin e Sigurimit të Kombeve të Bashkuara, shkruan Anadolu Agency (AA).
Vetoja e vendosur nga SHBA dhe Rusia, dy nga pesë anëtaret e përhershme të OKB-së, është një nga pengesat kryesore për shkak të cilës është e pamundur të parandalohet drama humanitare dhe vuajtjet e civilëve në Palestinë dhe Siri.
Rusia dy ditë më parë vuri veton ndaj projekt-rezolutës e cila parashikonte krijimin e një mekanizmi të OKB-së për të hetuar dhe përcaktuar përgjegjësinë për përdorimin e armëve kimike në Siri, në mënyrë të veçantë në lidhje me sulmin e fundit në qarkun sirian Duma.
Këshilli i Sigurimit të OKB-së ka kërkuar nisjen e një hetimi të pavarur dhe transparent për vrasjen e 32 palestinezëve gjatë përdorimit disproporcional të forcës nga ushtria izraelite gjatë një proteste në Gaza, por SHBA-të më 7 prill refuzuan këtë kërkesë për herë të dytë.
Vetoja e Rusisë bëhet një shkak i krimeve të reja të regjimit të Asadit, kurse vetoja e SHBA-së për krime të reja të Izraelit.
Deri më sot, SHBA-të ka vënë veton ndaj 40 propozim-rezolutave që KS-OKB kërkoi të miratohen kundër Izraelit. Midis tyre, rreth 30 projekt-rezoluta i referohen zhvillimeve në territorin e pushtuar palestinez kurse rezolutat ishin në formën e paralajmërimit apo dënimit.
Sa i përket luftës civile në Siri, Rusia ka vënë veton ndaj 12 projekt-rezolutave që ishin kundër regjimit të Asadit.
SHBA vendosi veton e parë ndaj projekt-rezolutës që kishte të bëjë me Palestinën e parashtruar më 23 janar të vitit 1976. Projekt-rezoluta parashihte formimin e një shteti të pavarur palestinez, duke lehtësuar kthimin e të gjithë refugjatëve palestinezë nga vendet fqinje, kurse për ata që nuk kthehen të paguhet kompensim.
Përveç kësaj, kjo rezolutë nga Izraeli kërkonte që urgjentisht të tërhiqet nga territori i pushtuar palestinez pas vitit 1976.
Në mars të të njëjtit vit, SHBA-të vunë veton edhe ndaj rezolutës së KS të OKB-së për Kudsin. Drafti i dërgoi thirrje Izraelit për të pezulluar iniciativat e ndryshimeve fizike, demografike dhe karakteristikat në territorin e okupuar palestinez, kryesisht në Kuds.
Pasi presidenti amerikan Donald Trump tha se e njeh Kudsin si “kryeqytet” të Izraelit dhe se do të zhvendosë ambasadën amerikane nga Tel Avivi në Kuds, SHBA më 18 dhjetor përsëri vuri veton ndaj projekt-rezolutës që kishte të bëjë me këtë çështje.
Për të mbrojtur regjimin e Asadit, Rusia përdori 12 herë të drejtën e vetos që nga fillimi i luftës civile në Siri. Disa nga vetot u bënë kur me projekt-rezolutë kërkohej sanksionimi i Asadit për përdorimin e armëve kimike kundër popullit të vet.
Për herë të parë, Moska me veto mbrojti regjimin e Asadit më 4 tetor 2011. Miratimi i vetos, i cili parashikonte sanksione kundër Asadit nëse vazhdon me operacione ushtarake në Siri, u penguan me veton e Rusisë dhe Kinës.
Projekt-rezoluta e propozuar nga Franca në maj 2014, e cila parashikonte që regjimi i Asadit për krime të gjykohet në Gjykatën Ndërkombëtare për të Drejtat e Njeriut, përsëri u pengua me veton e Kinës dhe Rusisë.
Të dy vendet sërish vunë veto ndaj sanksioneve kundër Asadit në shkurt të vitit 2017, megjithëse u vërtetua se kishte përdorur armë kimike në vendin e tij. Deri në fund të vitit, Rusia edhe në tre raste të tjera me veto “mbrojti” Assadin.
Fakti që Washingtoni mbron Izraelin ndërsa Moska regjimin e Asadit, kontribuon që kriza në Palestinë dhe Siri të mbetet në një situatë të pa rrugëdalje.
Për shkak të presionit që Izraeli, i nxitur nga vetoja e SHBA-së ushtron mbi palestinezët të paktën 5.3 milionë prej tyre sot kanë statusin e refugjatit.
Sipas Ministrisë palestineze të Informacionit, gjatë 18 viteve të fundit ushtarët izraelitë vranë të paktën 3.000 fëmijë palestinezë.
Mijëra palestinezë në Rripin e Gazës më 30 mars dolën në protestë për të shënuar Ditën e Tokës me të cilën rikujtojnë 30 marsin e vitit 1976, kur Izraeli mori prej tyre mijëra hektarë tokë. Ushtria izraelite ndërhyri ndaj protestave paqësore dhe vrau të paktën 32 palestinezë.
