A është shuar SHIK-u?
A është shuar Shërbimi Informativ i Kosovës (SHIK-u), një organizim i krijuar në rrethana të paqarta, mbi të cilin bien shumë akuza e edhe më shumë përgjegjësi. Kjo dilemë është rihapur sërish, por nga një lider partie, i cili duhet të ketë jo pak informacione, veçmas, pasi edhe për partinë e tij thuhej se dispononte me një shërbim zbulimi në nivel partiak. Po ashtu është paksa kontradiktore që një pohim akuzues të bëhet nga ai në adresë të PDK-së.
Haradinaj që nga lirimi nga Haga në vazhdimësi ka deklaruar se ai do të zgjidhej kryeministër i vendit, dhe e tëra kjo kuptohej dhe vazhdon të mendohet e tillë, se ai kishte arritur një pajtim me kryeministrin aktual të vendit Hashim Thaçin, madje për ndarje pozitash, atë të kryeministrit dhe të presidentit të vendit. Realizimi i kësaj ideje u kuptua edhe para zgjedhjeve lokale se ishte e dështuar. Por, humbja e tij në disa komuna kyçe për Kosovën, dhe veçmas për partinë e tij, duket se e kanë shtyr drejt një përplasje më të madhe.
Teksti i plotë në Gazetën Bota Sot
