Autoritetet kineze në rajonin e trazuar veriperëndimor të Xinjiang kanë ndaluar një grua të komunitetit ujgur sepse kishte postuar në mediat sociale versete nga Kur’ani dhe përmbajtje të tjera fetare.
Anëtarja 26-vjeçare e grupit etnik mysliman të ujgur u arrestua në qytetin Korla më 7 maj, pas dërgimit të posteve që mbanin mesazhe islame, duke përfshirë citimin nga Kurani dhe duke lavdëruar Allahun.
Ajo tani po mbahet nën paraburgim, me dyshimin për nxitjen e “mendimit fetar ekstremist “, thanë burimet në rajon për RFA (Radio Free Asia).
Një punonjës i cili u përgjigj telefonit në faqen e internetit të Qeverisë, nga e cila është marrë edhe reagimi i parë në lidhje me postimet e gruas në chatin më të popullarizuar të bisedimeve QQ, konfirmoi raportet e paraburgimit të gruas.
I pyetur nëse i paraburgosuri ishte një grua e re ujgur, ai u përgjigj: “Po, kjo është e saktë … Ne punojmë kundër përmbajtjes së ndaluar që nxit ndarje, ose dëmton unitetin etnik dhe që është e ndaluar”.
“Ka edhe përmbajtje fetare ekstremiste që nuk ju lejojnë të ripostohen, dhe ajo e ka ripostuar atë; ajo e përsëriti shumë herë “, tha ai, duke shtuar se citimet nga Kur’ani apo për Allahun janë” kundër ligjit”.
Ai tha se ashpërsia e dënimit të gruas do të varet nga çfarë ligje ajo ka shkelur.
“Njerëzit që lexojnë këtë lloj përmbajtjeje ekstremiste mund t’i nënshtrohen ndryshimeve të personalitetit gjatë një periudhe afatgjatë, kështu që nëse nuk e mbajmë atë nën kontroll, ajo mund të bëhet e panjohshme”, tha ai.
Por Dilxat Raxit, zëdhënës i grupit të Kongresit Botëror të Ujgurit me bazë në Gjermani, që përfaqëson grupin etnik të gjuhës turke, tha se gruaja mund të përballet me akuza serioze, për shkak të politikës së qeverisë së kohëve të fundit që synonte çdo aspekt të jetës fetare të ujgurëve.
“Kam frikë se kjo grua mund të dënohet rëndë për nxitje të mendimeve ekstremiste fetare në klimën e tanishme që është jashtëzakonisht shtypëse për [Islamin]”, tha Raxit.
Ndalimi i kuranit
Ndërkohë, një përdorues i internetit me vend ndodhje në Xinjiang tha se Kurani është i ndaluar nga shitjet enë librari në atë rajon.
“Kam përjetuar diçka të tillë si kjo,” tha përdoruesi i internetit, i cili më parë ishte akuzuar për “propagandimin e përmbajtjeve fetare ekstremiste si tekste dhe imazhe.”
“Kur’ani është ndaluar nga shitja në vende publike, dhe është një çështje shumë e ndjeshme; është e ndaluar, “tha ai. “Unë kam qenë në disa dyqane librash … dhe kam kërkuar ta blej, ta lexoj vetë, dhe ata thanë se është duke u shqyrtuar”.
Qeveria po aprovon një version të ri të Kur’anit, “tha ai.
Një punonjës i cili u përgjigj telefonit në departamentin e policisë bashkiake Korla, e shtyu telefonin kur u kontaktua nga RFA të hënën.
Një zyrtar i cili u përgjigj telefonit në degën bashkiake të administratës së fuqishme kibernetike të Kinës konfirmoi se çdo përmbajtje që promovon pikëpamjet “separatiste” do të fshihej.
“Policia e internetit do të fshijë çdo imazh që ai i konsideron si nën standard, dhe ka edhe dënime të përshtatshme,” tha zyrtari. “Kurani konsiderohet si mjaft separatist.”
“Gjëja tjetër është që njerëzit të veshur me mjekra dhe të veshur tërësisht me të zeza, ka një lloj ndjenje separatiste për të,” tha ai.
I pyetur nëse përmbajtja e tillë besohet nga Kina për t’u lidhur me terrorizmin, zyrtari nuk pranoi të komentojë.
“Nuk mund t’i lexoj të gjitha kërkesat tona nga ky dokument për ju; është një dokument i klasifikuar, “tha punonjësi. “Nuk mund t’ju them të gjitha.”/KohaIslame.com/
