0.7 C
Pristina
Thursday, December 9, 2021

10 shenja që tregojnë se shefi juaj do që ju të vazhdoni të qëndroni në punë

Më të lexuarat

Ndërsa ju jeni në grahmat e ngarkesës së përditshme, mund të jetë e vështirë të shihni shenjat që  tregojnë se shefi juaj dëshiron që ju të vazhdoni qëndroni në punë.

Ndonjëherë, shenjat mund të jenë konfuze dhe jo gjithmonë mund të çojnë në të kuptuarit e qartë se shefi e vlerëson punën që bëni dhe mendon se jeni i mirë në punën tuaj dhe për kompaninë.

Sigurisht, është gjithmonë mirë të kesh një shef që të pëlqen, pasi kjo e bën kohën tuaj në punë më të lehtë dhe ndonjëherë, më pak stresuese.

Kjo mund t’ju bëjë të merrni një rritje page, të mësoni për promovime të caktuara duke u konsideruar gjithashtu për çdo mundësi të rritjes në detyrë, si dhe thjesht t’ju ndihmojë të ndiheni sikur puna juaj ka vlerë dhe çmohet.

Këto janë shenjat që tregojnë se shefi juaj dëshiron që ju të vazhdoni të qëndroni në punë.

 

  1. Vlerësojnë talentin dhe punën tuaj të palodhur

Është gjithmonë mirë të marrësh vlerësimin nga shefi për pikat e tua të forta dhe për arritjet e ta.

Kjo do të thotë se ata po e vënë re atë që ju bëni, së bashku me kohën dhe përpjekjen që po jepni në punë.

Zakonisht, nëse shefi ju lavdëron për një punë të bërë mirë, kjo do të thotë se ata e vlerësojnë që ju kanë në ekipin e tyre dhe në fund të fundit nuk duan t’ju shohin të largoheni.

Ata ju shohin si një aset të vlefshëm në kompani, veçanërisht në rastet kur mund t’ua tregojnë punën tuaj si shembull punonjësve të tjerë për t’i demonstruar se si të bëjnë diçka, ose kur ju përgëzojnë rregullisht për detyra të ndryshme që keni bërë, duke vënë në dukje disa gjëra të veҫanta që atyre mund t’u kenë pëlqyer.

 

  1. Ju sfidojnë

Nëse shefi rregullisht ju jep detyra më të vështira dhe ju kërkon të merrni përsipër detyra për të cilat mund të duhet pak më shumë punë, zakonisht kjo do të thotë se ata mendojnë se ju mund t’i përballoni ato.

Ata ju shohin si dikë që përballet me sfidën dhe mund të bëjë në mënyrë efektive diçka që mund të ishte më e vështirë për kolegët tuaj të tjerë. Kjo mund të variojë, nga lënia e detyrave që ata zakonisht do t’i bënin vetë e deri te lejimi për të marrë pjesë me ta në takime të caktuara në të cilat mund të mësoni aftësi të reja.

Sido që të jetë, është gjithmonë një shenjë e mirë kur shefi juaj po përpiqet në mënyrë aktive t’ju sfidojë dhe t’ju japë mundësi të rriteni brenda kompanisë.

 

  1. Ju besojnë detyra të rëndësishme

Nëse shefi juaj po ju kërkon të punoni në projekte të rëndësishme që janë jetike për kompaninë, kjo do të thotë se ai ju beson juve dhe etikës suaj të punës. Ky është një tregues se jeni jashtëzakonisht i mirë në punën tuaj dhe mund të jeni një përfaqësues i shkëlqyer për kompaninë.

Shefi juaj ju beson që të flisni me klientë të rëndësishëm dhe të kujdeseni për dokumente të rëndësishme duke e ditur se mund të përballoni çdo pengesë gjatë rrugës.

 

  1. Japin përshtypje/komente për punën tuaj

Nëse shefi juaj po ju jep komente të çfarëdo lloji dhe kjo përfshin kritika pozitive ose konstruktive, do të thotë se ata e ҫmojnë punën tuaj dhe duan ta vlerësojnë atë. Sigurisht, reagimet pozitive janë gjithmonë të mrekullueshme për t’u dëgjuar, veçanërisht nëse jeni përpjekur shumë në punën tuaj.

Reagimet konstruktive gjithashtu mund të vlerësohen, pasi kjo do të thotë se shefi juaj është i interesuar t’ju shohë të përmirësoheni dhe dëshiron të ofrojë ndihmë për t’u siguruar që mund të arrini suksesin.

 

  1. Ju japin lirinë për të marrë vendime.

Nëse shefi ju lejon të merrni kontrollin e detyrave të caktuara që bëni gjatë ditës, zakonisht do të thotë se ata ju besojnë mjaftueshëm për t’ju lënë të pavarur.

Kjo mund të nënkuptojë se shefi juaj po ju jep liri krijuese kur bëhet fjalë për ide për të cilat dëshironi të punoni, ose do të thotë se ata i besojnë gjykimit tuaj aq sa për t’i dhënë përparësi të gjitha detyrave të rëndësishme. Dhënia e lirisë për të marrë vendime mund të nënkuptojë gjithashtu se shefi juaj dëshiron të shohë se si e trajtoni detyrën e marrjes së vendimeve të rëndësishme dhe se si ju ngjisni shkallët për t’u bërë një lider.

 

  1. Shpesh kërkojnë takime kokë më kokë

Nëse shefi po merr kohë nga programi i tij i ngjeshur për të pasur takime me ju, zakonisht është një shenjë e mirë që ata e vlerësojnë punën tuaj dhe duan që ju të qëndroni.

Është akoma më tepër një shenjë pozitive nëse shefi juaj i planifikon këto takime për t’ju folur për rritjen tuaj brenda kompanisë, si dhe për mundësitë e ardhshme që mund të vijnë në rrugën tuaj. Kjo tregon se ka një linjë komunikimi të hapur mes jush dhe shefit dhe se ata janë vërtet të interesuar të dëgjojnë atë që keni për të thënë.

 

  1. Ju japin rritje page

Kjo është ndoshta mënyra më e lehtë për të treguar nëse shefi juaj ju pëlqen dhe dëshiron që ju të qëndroni.

Zakonisht, një rritje page do të thotë që ata e shohin punën tuaj të palodhur dhe duan t’ju shpërblejnë për të gjithë përpjekjen që po bëni në kompani. Është një mënyrë për t’ju bërë të ditur se ata ju vlerësojnë dhe se nuk duan që puna juaj të kalojë pa u vënë re.

 

  1. Kërkojnë mendimin tuaj

Nëse shefi juaj ju kërkon për të marrë mendimin tuaj për detyra ose projekte të caktuara, kjo mund të nënkuptojë se ata i besojnë mendimit tuaj si punonjës për kompaninë e tyre.

Shefi dëshiron pa dyshim që ju të qëndroni në ekipin e tyre nëse ata vijnë tek ju për një mendim dhe ndoshta edhe për një përshtypje për tema të rëndësishme. Nëpërmjet punës që bëni, shefi juaj mund të kuptojë se ju keni aftësinë për të vënë re diҫka dhe për të pasur një opinion të caktuar, prandaj ata mund të dëshirojnë që ju të ndihmoni në përmirësimin e disa gjërave në kompani.

 

  1. Ju rekomandojnë për promovime

Nëse shefi juaj po thotë një fjalë të mirë që ju të merrni një promovim ose ndonjë rol tjetër më të lartë brenda kompanisë, kjo do të thotë se ata i kushtojnë vëmendje punës që bëni dhe duan t’ju vënë përpara mundësi më të mira.

Një drejtues që shpenzon kohë për t’u siguruar se po rriteni brenda ekipit të tij, i cili kontrollon vazhdimisht dhe pyet për aspiratat tuaja, zakonisht mund të nënkuptojë se kujdeset për ju dhe nuk dëshiron që puna juaj të kalojë pa u vënë re. Është gjithmonë një shenjë e mirë kur shefi thotë fjalë të mira për punën tuaj të palodhur!

 

  1. Ju bëjnë të ditur se janë këtu për t’ju ndihmuar

Një shef që ju bën të ditur se ata janë aty për t’ju ndihmuar dhe për t’ju mbështetur, do të thotë se ata nuk duan që ju të ndiheni të mbingarkuar dhe duan që ju të keni sukses.

Supervizorët mund të jenë jashtëzakonisht të zënë dhe mund të mos kenë kohë për të folur me secilin prej punonjësve të tyre, kështu që nëse vini rese ata harxhojnë kohë nga dita e tyre për të parë se si po shkoni, kjo do të thotë se ata po i kushtojnë vëmendje etikës suaj të punës.

Ata duan të sigurohen që dita juaj e punës të mos jetë e mbushur me vështirësi dhe po hapin linjën e tyre të komunikimit për çdo shqetësim që mund të keni. Drejtuesit thjesht duan të sigurohen që ju po ndiheni të vlerësuar dhe të respektuar, në mënyrë që të jeni më të prirur të qëndroni në kompani. / Your Tango

- Advertisement -spot_img

Më tepër

Të fundit