Me moton “Të drejtat e njeriut për të gjithë” organizata LGBT JUNAJTED dhe Romano Avazi organizuan sot një parakalim në qytetin e Tetovës me qëllim të rikujtimit të ditës ndërkombëtare të të drejtave të njeriut, transmeton TvArt.
TvArt nga LGBT JUNAJTED u përpoq për të marrë deklaratë, por nuk u prononcuan për arsye të sigurisë.
I pranishëm në këtë event ambasadori holandez deklaroi se ishte aty për të mbështetur shoqatat dhe për më tepër të drejtën e gjithsecilit për të qenë i lirë.
Ky parakalim nuk kaloi pa rënë në sy të qytetarëve.
LGBT JUNAJTED TETOVË funksionon që nga viti 2012 dhe është një organizatë që tenton në përmirësimin e standardeve të jetesës dhe shprehjes së personave Lezbikë, Gej, Biseksual dhe Transgjinorë.
Romano Avazi ose “Zëri i romëve” është organizatë që përkrah komunitetin romë dhe tenton të mbjellë tek ta përshtatje me të tjerët dhe fuqi.
