David Arakhamia, Kryetari i Partisë së Shërbyesve të Popullit në Ukrainë, i cili është kreu i delegacionit ukrainas në negociatat me Rusinë, tha në një deklaratë në llogarinë e tij në Telegram se negociatat vazhdojnë online.
“Në kundërshtim me deklaratat e Rusisë, pala ukrainase është e përkushtuar ndaj marrëveshjes së Stambollit dhe nuk ka ndryshuar qëndrim”, tha Arakhamia dhe shtoi: “I vetmi ndryshim është se pala ukrainase nuk i merr parasysh të gjitha çështjet shtesë që nuk përfshihen në marrëveshjen e Stambollit. Ndoshta kjo ka çuar në një keqinterpretim të gjendjes aktuale të procesit të negociatave.”
Presidenti rus, Vladimir Putin tha se pala ukrainase hodhi poshtë marrëveshjet e arritura si rezultat i negociatave me vendin e tij në Stamboll dhe se negociatat me Ukrainën kishin arritur në një qorrsokak.
Edhe ministri i Jashtëm rus, Sergey Lavrov pohoi gjithashtu se pala ukrainase filloi të tërhiqej nga propozimet e veta dhe të bënte provokime gjatë negociatave.
