10.7 C
Pristina
Monday, April 22, 2024

Türkiye, një vajzë e re shpëtohet nga rrënojat 248 orë pas tërmetit

Më të lexuarat

17-vjeçarja Aleyna Ölmez u shpëtua nga një ndërtesë në lagjen Kayabaşı të qytetit Kahramanmaraş 248 orë pas tërmetit

Në ditën e 11-të pas tërmetit, saktësisht 248 orë pas goditjes, nga rrënojat e një ndërtese në lagjen Kayabaşı të qytetit Kahramanmaraş u shpëtua vajza e re 17-vjeçare Aleyna Ölmez, raporton Anadolu.

Punimet e kërkim-shpëtimit pas tërmeteve me qendër në provincën Kahramanmaraş vazhdojnë në ditën e 11-të.




Ekipet e AFAD-it, kompanisë “Kömür İşletmeleri”, JAK dhe ekipet e bashkisë Dilovası, kryen punime në pallatin Atabey në lagjen Kayabaşı në rajonin Dulkadiroğlu të Kahramanmaraş-it dhe pas 248 orësh nga tërmeti shpëtuan 17-vjeçaren Aleyna Ölmez.

Vajza e re që u shpëtua nga rrënojat u transportua me ambulancë në spital.

Autoriteti i Menaxhimit të Fatkeqësive dhe Emergjencave e Türkiye-s (AFAD) ka bërë të ditur se numri i të vdekurve nga dy tërmetet e javës së kaluar që goditën pjesën jugore të vendit është rritur në 36.187.

Nga tërmetet e 6 shkurtit me magnitudë 7.7 dhe 7.6, me qendër në Kahramanmaraş janë prekur mbi 13 milionë njerëz në 11 provinca turke, përfshirë Adana, Adımayan, Diyarbakır, Gaziantep, Hatay, Kilis, Malatya, Osmaniye, Şanlıurfa dhe Elazığ.

/aa/

- Advertisement -spot_img

Më tepër

Të fundit