Në vazhdën e aktiviteteve të përbashkëta të SHMI “Medreseja Isa Beu” dhe Muftinija e Kumanovës, më 16.04.2022 (e shtunë) në sallën e amfiteatrit të Muftinisë së Kumanovës u mabjt tribunë për femra.
Programi filloi me ashere nga mualimja e Kur’an kursit pranë Muftinisë së Kumanovës Hfz. Ajnure Ademi. Para të pranishmëve fajlën përshëndetse mbajti mualimja e Kur’an kursit Mubera Imeri.
Fjala e rastit në këtë program kushtuar gjinisë femërore, i takoi Prof. Hfz. Xhejlane Nexhipi, profesoreshë pranë SHMI “Medreseja Isa Beu” e cila ligjëroi temën “Roli i femrës në kohën bashkëkohore”.
Nxënëset e SHMI “Medreseja Isa Beu” dhe nxënëset e Kur’an kusrit të Muftinisë e zbukuruan këtë program me këndimin e pjesëve nga Kur’ani Famëlartë dhe këndim të disa ilahive dhe recitimeve.
