Trafiku hekurudhor në Francë ka hyrë në ditën e dytë të bllokadës, për shkak të grevës së punëtorëve të hekurudhave, që po kundërshtojnë reformën e planifikuar nga qeveria.
Pas bllokadës dyditëshe, është planifikuar që nesër gradualisht të rikthehet trafiku hekurudhorë, por duke vlerësuar se do të ketë vonesa të rastësishme.
Dje, punonjësit e hekurudhave franceze filluan grevën, në një seri grevash të planifikuara që do të zgjasin, siç thuhet, për tre muajt e ardhshëm dhe që janë planifikuar të mbahen dy ditë në javë, deri në fund të qershorit.
